ئاوى کانى یەکان لە ترسا هەموو بوون بە(بئر) و ڕژانەوە بە بۆڵە،
هەوریش ڕەش و تاڵ(ێاعیقە)ئاسا، وەکو بێژى بە نیازە بۆ تۆڵە،
نازى ناچاریى کیژۆڵیەکى لە هەوارى کاولا بە جێماو،
فەریبى خۆ،یان فرمێسکى لەتەک بارانا تێکەڵاو،
ئار گڕدەرە بۆ بێنازی و نازکێشیەکە بۆ ئاراو،
لەو لاش فەوتى ڕەوتى ئەهلى کوردە،
ئەشکى دودڵى قەتیسماو!،
یەکێ دەنگى وەکو (دێڤا) دەیوت (تعال)و ئەمیش هاها؟؟،
یەکێ تر وەکو وەحشى دەیوت(بیا) لە ناکاو،
یەکێ تر وەک (ئەهریمەن) دەیوت (گێل گێل) کیژى ناسک و تازە لاو،
ئەمێستا ئێمەى کوردى گەرمیانى نازانین کوان؟!،
ناویان لێنرا (ئەنفال)و تا نزیک ماڵى خوا بران!،
خۆزگە بمانزانیبا لاى وەحشن یان ئەهریمەن یا لاى(دێڤا)ن؟!،
ئێمەى کورد قەت یەکناگرینەوە لە تەک،
سەبیل و مەبیل،
دەلیل و خێمەو موجەمەع و تەرحیل!،
ئامریەى پڕ لە دڕندەو عەسکەرو دیل و زیل،
مەئواى جحانم ئاساو گرتوخانەى پڕ لە زەلیل،
ئێمە نە تورکین نە فارس،
نە عەرەبین نە ئەرمەنى پڕ دەردە سیل،
نە کێوین نە بەنى جن با هەر لێدەن وەک خەڕەک،
ئێمە کوردین نەوەى مادین نوێنەرمان وا لە قەندیل،