2010-02-08

---

ئەندامی ئەنجومەنی پەكەكە ڤیان سۆران كە لە دژی پیلانگیری 15 شوبات ئاگری لە جەستەی بەردا، یادی كرایەوە .لەو چوارچێوەیەدا لە وڵاتانی نوروێژ و قبرس چالاكی رێكخران. چالاكیەكەی نۆروێژ لە كۆمەلەی كلتوری كورد شاری ئۆسلۆی پایتەخت بەرێوە چوو. چالاكیەكە لە لایەن ریكخستنەكانی پارتی چارەسەری دیموكراتی كوردستان و بەهاوكاری كۆمیتەی یەكیەتی ژنانی رۆژهەڵاتی كوردستان یەژەرەكە رێكخراو تێیدا زیاتر لە 150 كەس بەشداری بوون. سەرەتای چالاكیەكە بە خۆلێك رێزگرتن بۆ گیانبەختكردوانی رێگای ئازادی دەستی پێكردو پاشان بەشێك لە نامەكانی ڤیان سۆران خوێندرایەوە. هەروەها لێدوانی پەچەدەكە و یەژرەكە خوێندرانەوەو بۆ خاوەنداری لە چالاكیە گیانبازیەكەی ڤیان سۆران و شەرمەزار كردنی پیلانگێری 15 شوبات داوای چالاكی سەرهەڵدان ئاسایان كرد. بەهەمان ئامانج شاری لیماسۆلی قبرس، ژنان یادی ڤیان سۆرانیان بەرز راگرت . چالاكیەكە لە ناوەندی كلتوری میزوپوتامیا بە بەشداری چەندین كەس بەرێوە چوو و تێیدا ووتە پێشكەش كران و ڤیان وەك سەمبۆلی ژنی كوردی ئازاد بەناوكرا.

مه‌یلی بکه‌ بۆ هاوڕێکه‌ت چاپی بکه