سێڤى مێخەگڕێژ!،
ئازیزەکەم ئەم هەراو ئاپۆرە چى یە تۆ پێم بێژە؟!
ئەم هەموو سێڤ و مێخەک و کوڕوکیژە،
ئەم زوڵف و باڵاو ئەشق و چاوى تیژە،
ئامێتەیى زەردو سورو سەوزو شین!،
تکادەکەم پێمدەڵێ چین؟!،
ئازیزم هاتەگۆ یەکسەر وەک خەج و شیرین و زین،
وتى بەڵێ، گیانە ئەمە جەژنێکى لەمێژە!،
نمونەى ڤالانتاینە،بەڵام،
نەک وەک ڤالانتاین ساردو سڕ،
ئەم جەژنە فۆلکلۆریەو پڕە لە ئەشقى گەرمو گوڕ،
جەژنێکە پڕ لەئەڤین و خۆشەویستى درێژە،
تا ئەوجێگەیەى دەزانم ئەمڕۆ (14-2)وەو جەژنى سێوى مێخەکڕێژە،
لە ڤالانتاین ئەشق دەنێژرێت!،
بەڵام لێرە،
ناسک ئەندامان هەر هەموو،
وەکو لۆکەو پەرى وپەموو،
پێت دەڵێن هەڤاڵ چ دەکەى،تۆوى ئەشقت بنێژە،
لە ڤالانتاین تەقلیدیە،
وەلێ لێرە نەریت نەریتى کوردیە!،
دەى ئازیزم وەرە لێرە هەرچى ڕک و کینەت هەیە،
هەرچى بوخزى سینەت هەیە،
بە دیار سێوێکى جوانەوە،
لە تەک هەزاران مێخەکى بۆنخۆشى خان ومانەوە،
بە دیار فۆلکلۆرى ئەشق و ئەڤینى کوردانەوە،
هەرچى ڕازى بینەت هەیە،
بەناوى گشت ئاشقانى هەر (5)پارچەى کوردلانەوە،
لە ئەم جەژنەدا هەڵڕێژە،