2010-02-05

---

بڕیارگەی ناوەندی هێزەكانی رۆژهەڵاتی كوردستان هەرەكە، سەبارەت بە سەپاندنی حوكمی لە سێدارەدان بەسەر چالاكانی سیاسی كوردا، دەوڵەتی ئێرانی بەتوندی وشیار كردەوە. هەرەكە ‌ڕادەگەیەنێت، كە ئەگەر بێت و سزای لەسێدارەدانی شیرین عەلەم هویی جێبەجێ بكرێت، ئەوا چالاكییەكانیان بەرفراوان دەكەن. بڕیارگەی ناوەندی هێزەكانی ڕۆژهەڵاتی كوردستان هەڕەكە ،بەلێدوانێك، ڕژیمی ئێرانی لە ئەگەری جێبەجێكردنی حوكمی لەسێدارەدانی چالاكانی سیاسی كورد، وشیار كردەوه و دەلێت: تێكۆشانی ئازادی لە ڕۆژهەڵاتی كوردستان لەپێناو ژیانێكی ئازاد و دێموكراتیكدا، بەپێداگیرییەوە بەردەوامە. لەبەرامبەر ئەو تێكۆشانەشدا، پیلانگێڕی دەوڵەتانی داگیركەر درێژەی هەیە.
هەرەكە لەدرێژەی لێدوانەكەدا سیاسەتەكانی ئەم دواییەی دەوڵەتی ئێران هەڵدەسەنگێنێ و دەڵێ: لەو ماوەیەی دوایدا ئێران هەوڵ دەدات بەڕێگای لەسێدارەدانی جەوانانی كورد، تەڤگەری ئازادی گەلی كورد پاكتاو بكات.
هەرەكە سەبارەت بە ‌شیرین عەلەم هویی دەڵێت: ڕژیمی ئێران لەو ماوەیەی دوایدا سزای لەسێدارەدانی بەسەر هەڤاڵمان شیرین عەلەم هویی ناسراو بەڕوناهی سەپاندووە. هەڤاڵمان ڕووناهی، لەڕۆژهەڵاتی كوردستان بۆ گەلەكەی تێدەكۆشا، لەدژی زۆردارییەكانی ڕژیم لەسەر گەلی كورد و ژنی كورد، خاوەن هەڵوێستێكی شەرەفمەندانەبوو. لەكۆتاییدا بڕیارگەی ناوەندی هەرەكە، بەزمانێكی توند دەوڵەتی ئیران لەئەگەری جێبەجێكردنی سزای لەسێدارەدانی شیرین عەلەم هویی، وشیار دەكاتەوەو ڕادەگەیەنێت كەئەگەر ئەو سزایەجێبەجێ بكرێت، ئەوا چالاكییەكانیان بەرفراوان دەكەن.

مه‌یلی بکه‌ بۆ هاوڕێکه‌ت چاپی بکه