2008-04-20

---

ئەرتەشی توركیا دواى ئەوەى 9 رۆژ بەسەر ئۆپەراسیۆنى 25 تێ پەری لە ناوچەكانى هەرێمى كوردستان بە تایبەتى ئەو جێگایانەى لێ بووە كشایەوە، گەلێك شت و پاشماوەى بەدواى خۆیدا جێ هێشت. جگە لەو جەنازانەى كە لە ژێر بەفردا ماونەتەوە، ئەو سەربازانەى بریندا بوون و لە سەرما قەڕسی بوون، كەرەستە و چەك و ئەو هەلیكۆپتەرەى لەدواى خۆیاندا جێ هێشت بوو، هەروەها لە كاتى كشانەوەیاندا لەشوێنە گشتیەكان هەلساون بە دانانى (مین) ئەلغام (mayin) ى ئەمەریكى و توركى بەناوى رووى لە دوژمنە “Yüzü Düşmana çevirili” .كە ئەمەش زیاتر مەترسی بۆ خەڵكى پیادە، سڤیل و هاوڵاتی ناشارەزا دروست دەكات هاوكات ساڵانە حكومەتى هەرێم پارەى تەرخانكردووە بۆ رێكخراوەكانى وەك: (MAG ـ UNOPS/ELS ـ solıdarıty v73 ـ NPA 128 ـ Medico International ـ و دەزگاى گشتى مین و رێكخراوى كوردستان بۆ هەلگرتنەوەى مین و هتد.. تاكوخاكى هەرێم پاك بكەنەوە لە مین.هەروەها رێكخراوەكانى مین كە تاكو ئێستا چەندین ناوچەى مین رێژكراویان دیاری كردووە بەڵام ئێمە تەنیا شارەكانى هەولێر و دهۆك بە نمونە دەهێنینەوە كە هەرێمى ئۆپەراسیۆنى بیست و پێنجەمەینى توركیا بوون كە لە 20 ى شوباتى 2008 دەستى پێ كرد.

261 كێلگەى مین

ئەمە و تەنیا لە ماوەى 1/1/1991 تا 31/12/2001 تەنیا لە ناوچەى مێرگەسۆر 73 كێلگەى مین هەبووە كە بەهۆیەوە 133 كەس بەرمین كەوتوون و بریندار بوون كە لە نێویاندا 37 منداڵ و 2 ژن و 94 پیاو هەبوونە. هەروەها لە پاریبَزگاى دهۆك و لە سنوری قەزاى ئامێدى 128 كێلگەى مین هەبووە كە بوەتە هۆی قوربانى 209 كەس. لەوانەش 53 منداڵ، 3 ژن، 153 پیاو بوونە. هەروەها لە زاخۆدا 52 كێلگەى مین هەبووەكە بەهۆیەوە 356 كارەسات و قوربانى لێكەوتونەتەوە بەمجۆرە، 66 منداڵ، 17 ژن و 273 پیاو. هاوكات لە قەزاى ئاكرێی شدا 8 كێلگەى مین هەبووە، ئەم 8 كێلگەیەش بووەتە هۆی 102 كارەسات و لەناو ئەم ژماریەیدا 18 منداڵ، 5 ژن و 79 پیاو هەبوونە. شایانى باسە ئەم ئامارە تەنیا كەمترین رێژەى قوربانیەكانى مینە لە ماوەى 1991 تا 2001.ئەمە و تەنیا لە هەرێمەكانى ئۆپەراسیۆنەكەى 20 ى شوباتدا پێشتر 261 كێلگەى مین هەبوونە كە لەلایەن رێكخراوەكانى ئاماژە بۆكراو پاككرابوونەوە.

بە فەرمى بڕیاری كشانەوە

ئۆپەراسیۆنەكەى هێزى چەكداری توركیا (TSK) كە لە 20 ى شوباتى 2008 دا دەستى پێ كردبوو، لە 29 ى شوبات بە كۆتایی هات. لە ماوەى 9 رۆژەى شەڕدا گەلێك لەشكر گیانیان لەدەستدا، گەلێك بریندار بوون و 9 گەریڵاى HPGیش گیانیان لەدەستدا. لەشكری توركیا لە لای زاپ تەنیا 3 كم هاتە پێش. لە شوێنەكانى تر و لە ناوچەكانى وەك چەمچۆ، رێكان و هۆری بۆپێشەوە پێشڕەویان كرد.لەشكرەكانى ئەرتەشی توركیا كە لە سەر هەر شیو و دۆلێك بوون راستى كەمینى هێزەكانى پاراستنى گەل دەهاتن. رۆژى 9 یەمین سەر فەرمانداری گشتى توركیا بە فەرمى بڕیاری كشانەوەى هێزەكانى ئاشكرا كرد.

لەشكرەكان دواى خۆیان چیان جێهێشت ؟ !

لە ئەنجامى كشانەوەى لەشكرەكاندا كە لەلایەن پسپۆڕانى تورك، ئینگلیز و ئیسرائیل ، راگەیاندنەوە و پارتە سیاسیەكانى لایەنگری شەڕ: وەك: CHPبە سەرۆكایەتى دەولەت باغچەلیك و MHP بە سەرۆكایەتى دەنیز بایكالەوە، شلۆق بوونى خۆیان هێنایە زمان، گەلێك شتیان بەدواى خۆیاندا جێ هێشت. جگە لە تەرم وجەنازەى سەربازەكانى ژێر بەفر، قەسرینى لەشكرە برینداربووەكان لەناو بەفردا، ئامور و چەك و هەلیكۆپتەری كەوتوو، گەلێك مین ( لوغم) یشیان بەدواى خۆیاندا جێ هێشت. هەروەها بەدواى خۆیاندا مینیان بە داروە كردووە، لە شوێنە گشتیەكانیان داناوە، بەجۆرێك تەلەكانیان هەڵبژاردووە كە لەگەڵ سروشتى شوێنەكە بگونجێ و مرۆڤ نەتوانێت بە ئاسانى تەڵی مینەكان ببینێت. هەر ئەمەش بووە هۆی ئەوەى لەناوچەكانى دیانە و شوێنەكانى تر نزیك بە هەرێمەكانى جەنگ لە زانكۆ، كۆلێژ و پەیمانگاو قوتابخانەكان پانكارت ( كارت) ى هۆشیاركردنەوە لە مین هەلبواسرێت. مینەكانى كە بەكار هاتون بە پێی زانیاری بە دەست كەوتوو زیاتر لە 4000 چوار هەزار مین دەبێت و گەلێك جۆریان هەن بەڵام بە گشتى دووجۆرن، جۆرێكیان ئەمەریكى و ئەوەى تر توركیە.توركیەكەى كە بەناوى ( رووى لە دوژمنە) “Yüzü Düşmana çevirili” ، بێگومان بەهۆی رێگا نەدان بە چوون بۆ ئەو شوێنانە ناتوانرێت بە تەواوى ئەوەى دەمانەوێت یەكراست بە دەستى بهێنین، بەڵام بە پێی ئەوەى گوندیەكانى هەرێمەكان دیاری دەكەن بە شی هەرەزۆری مینەكان نزیك بە گوندەكانن و لە شوێنى گشتى دانراون، كە زیاترین هاتوو چۆیان بەسەرەوەیە. هەتاوەكو ئاگاییی بەم جۆرە دەست كەوتووە كە بەشێكى مینەكان لە هەندێ شوێندا تەنها 500 مەتر لە گوندەكانەوە دوورن.

(مین)ەكان لەكوێ هاتن و تایبەتمەندیەكانیانچین؟

(مین)ەكان لەكوێ هاتن و تایبەتمەندیەكانیانچین؟ ئەمە تەنیا پرسیارێكە.چۆن دەبینرێن، ئەو مینانەى كە بەتایبەتى و بە شێوەیەكى بەرنامە بۆرێژ كراوى تایبەتى و ئەوانەش كە دروستكراوى ئەمەریكان بەداروە هەلواسراون و لە شوێنەكانى تر دانراون. هەندێك مین بە رەنگى سپی لە شێوەى بەفردان، لەسەر رێگا گشتی و تایبەتیەكان و ئەو شوێن پێیانەدا، دانراون لەو كاتانەى لەشكرەكانى توركیا ئەم رێگایانەیان جێ هێشتووە. هەروەها مینەكان لە زەویشدا بە تەڵی سپی و ڕەنگى ترەوە گرێدراون بە پێی سروشتى شوێن و ژینگە كە. تەلەكان بە پیمى تەقاندنەوەى مینەكەوە گرێدراون. لەسەر هەندێك لە مینەكان نوسراوەرووى بەرەو دووژمنە “Yüzü Düşmana çevirili” بەدار هەڵواسراون. لەشكرەكانى توركیا چەند جۆرە مینێكیان داناوە. یەكێك لەوانەى كە بەدارەوە هەلواسراوە، لەكاتى تەقینەوەیدا ساچمە بە دەوروپشتى خۆیدا دەهاوێژێت . واتە لە جۆری ساچمەدارە و ئەمەش دەبێتە هۆی كەم ئەندام بوون یان بریندار بوونى مرۆڤ و مەڕو ماڵات.هەروەها جۆرێكى تریش كە ئەمەریكیە و ئەمەیان بە تەلەوە گرێدراوە جۆری هەڵبەزە مینى شاچمەدارە و لەسەری نوسراوە (M16.A1) كە جۆرە مینێكى تایبەتى ئەمەریكیە. ئەم مینە (M16.A1) كاتێك هەر شتێك بەر تەلەكانى بكەوێت بە ئەندازەى مەترێك بۆ مەترێك زیاتر بەرز دەبێتەوە و زیاتر لە 30 مەتر بە هەموو لایەكى خۆیدا ساچمە بڵاو دەكاتەوە. كە ساچمەكانى زیاتر لە پارچەى كانزایی و مس و پۆڵان. (M16.A1)دەبێتە هۆی كەم ئەندام بوون و زۆرجار كوشتنیش. شایانى باسە ئەم جۆرە مینە لەكاتى هەلبەزینى زیاتر ناوچەكانى سك و سنگ دەكاتە ئامانجى ساچمەكانى و كە ئەمەش خەتەریاتر زیاتر لەسەر قوربانیەكە دروست دەكات. هەروەها بۆمبایەك كە لە شێوەداوەك نارنجۆك ( رمانە) وایە دانراوە و چەند جۆری تر لە مینەكان هەن.

ئێمە شارەزاین....

هەروەها بەپێی ئەوەى گەریڵاكان دەلێن :"ئەوان شارەزان و دەزانن چۆن خۆیان پبارێزن بەڵام لە ئەنجامى ئۆپەراسیۆنەكانى تردا، زیاتر مەڕ و ماڵات بوونەتە قوربانى ئەم مینانە."

مه‌یلی بکه‌ بۆ هاوڕێکه‌ت چاپی بکه